1. Magir ami mollba khala aslolê oniticher nihall kelo. Zulum' sonstole roddttale. Punn tankam konnuch adar dinaslo. Kiteak tancher zulum cholovpeam sangata podvi asli. Tankam ghottai diupak konnuch naslo.
2. Morun geleat tanchi mhaka kunn'nnattkai dista. Ozunuim jivim asat tanchea poros te khubuch bore asat.
3. Je konn ozunuim zolmunk nant, ani hea sonvsarant mollba khala onit cholta ti kednanch polleunk nant, tanchea poros odik bore asat.
4. Aplea kamak ies mellchê khatir monis itlo thokos gheun kiteak vavurta tem mhaka somzolam kiteak, tankam eka mekachi kunn'nnattkai asa. Punn, hem sogllem upeôg naslolem, vareak dhôrunk tachea fattlean dhanvtolea porim.
5. Piso aple hat kovollta ani aplench mas khata.
6. Monak xanti asun, thoddench aslear odik borem donuim hatamnim kamak gull zaun vareak dhôrunk tachea fattlean dhanvchê poros.
7. Ani mollba khala, sonvsarant orth naslolem hanvem aninkui pollelam.
8. Eklo eksuro monis. Bhurgem na. Bhav na torui tachea koxttank xevôtt na. Apnna lagim asa tê girestkaien, to kednach dhadoxi zaina. To apnnak matui dhadosponn dinastana to konna khatir vaurta? Ho-i dhondo upeôg naslolo. Hi jievpachi dolldiri chal.
9. Eklo aslolea poros dog zann aslear odik borem. Kiteak, tanchean dogaincheanuim borê bhaxen folladik kam korunk zata.
10. Zôr eklo sokla poddlo, dusreachean taka uklum-ieta. Punn, eksuro asa tachem kitem zatolem? Taka adar diupak konnuch ascho na.
11. Thonddi khata tedna dog zann ektthaim nhidlear tankam ekamekachi gormi mellta. Punn eksuro nhidta taka koxi gormi melltoli?
12. Eka mon'xak haroitolê goriek, dog zannamchean addaum ieta, tin poddanchi dori sompeponnim tuttona.
13. Ek monis goribentlean voir soron aplea desacho raza zait Vô koidikanneantlean to Xinvasonar vochum Punn, aplea mhatarponnar to budhi ghena zalear, eka gorib punn huxar tornattea poros to odik vorto nhoi.
14. Tornnattponnar sodrer bosta tachea fattlean soglle astat. Hem hanvem hea sonvsarant pollelam.
15. To hispabhair lokacher raj choloita. Tedna tachea fattlean hixeopa bhair lôk asta. Tea vellar to hispabhair lokacho fuddari asta. Punn, tachea fattlean, fuddli pillgi, tannem jem kitem kelam, tachê khatir konnunch upkar mandina tem upeôg naslolem. Vareak dhôrpak tachea fattlean dhanvlolea bhaxen.
16. Devachea ghorant vetai tedna, tuzo paim khoim dovortai tacher nodor dovor. Sarkem aikunchê khatir lagim sorop, pixeanchê bhettê poros odik molachem kiteak, apunn vaitt korta vô chukta mhunnon tankam khobor na.
