1. Zoso êk melolo mus, eka pormôll korpeachem tel bhoxttaita: ani ghannaita, toxem ek dhakttench pixeponn zannvaiek bhoxttaunk xokta.
2. Xannea mon'xachem kalliz taka soroll margan vhorta, punn pixeachem mon taka vaitta vatten oddta.
3. Tea bhair tachem murkheponn, rostean choltana vatter melltolea lokak kolltolem, ani sogllo lôk mhunnttolo kitlo murkh to!
4. Raza tujer ragar zala mhunnon, tuzo zago sôddinaka. Xantin ravlear marekar obghat bhogsom ietat.
5. Hanvem sonvsarant mollba khala ek vaitt pollelem. Hea vaittacho zobabdar raza.
6. Murkhank podveche zage ani girestank konnixtt zage dileat.
7. Gulam' ghoddear boslole ani Rajkunvor gulama vori paiamnim chol'lole hanvem polleleat.
8. Zo fondd uspita, toch tea fonddant poddtolo, Vonnott moddxi tuka sorop chabtolo,
9. Chireanchê khonnint kam korxi, tuka fator toptolo, Lakudd foddpeak kaptti lagtoli.
10. Tujê kuraddek dhar naslear tunvem dupettin boll ghalchem poddtolem. Punn, ies mellunk zannvaiê vorvim adar mellta.
11. Montravop sarkem zaunk naslolean zôr sorop chablo, tôr montravpeak kosloch faido zaina.
12. Xannom monis sangta tacho taka inam' mellta, Punn, apleach svotachea utramnim pixeacho nas zata:
13. Murkheponnan to ulounk suru korta ani sopurnn pixeponnan sompoita.
14. Êk piso uloit ravta, Hea fuddem kitem zatolem tem konnak kollona ani hachea uprant kitem ghoddtttolem; tem konnanchean sangunk zait?
15. Piso, koxtti kam korpak thokta, Aplea ghora vochonk taka vatt legit kollona.
16. Jea rajeacho raza tornnatto asta, ani rajkunvor soglli rat movza martat, tea desachem kotta!
17. Jea rajeacho raza, vhoddlê kullien zolmololo, ani svotacho nirnnoi gheta, ani tache rajkunvor favo tea vellar jevtat ani bebde zainant, to dês noxibvont!
18. Nolle sarke korunk allsai kortat tancho pattôs poddtolo, Bezababdarechea ghorache nolle pixeutole.
19. Amkam moujen dovorpak ami borim-borim jevnnam ditanv, soro amkam hurber dovorta Punn, duddvam xivai kainch zaina Duddu soglleak upkarta.
20. Chintnamnim legit razacher vaitt uloinaka, tujê nhidpachê kuddant legit eka girestacher vaitt uloinaka, Vareavelim suknnim ti khobor vhorot, ani tunvem uloiloli khobor sangot.
