1. Tedna aplea iadnik bhavam soit mukhel iadnik Eliashib bandpachea vavrak lagle ani Menddreancho Darvontto novean bandun kaddlo. Tãnnim mull - bandavôll keli, daram lailim, khillieô bosoileô, addambe ghale ani kam korit-korit Xemboranchea Minara ani Hananela Minara porian pavle.
2. Jerikechea lokamnim tachea lagsar bandkam kelem, Imrichea putan, Zakuran tanchea lagsar bandkam' kelem.
3. Nusteacho darvontto Hasenachea putamnim bandlo; Hannim mull-bandavôll ghoddli, daram lailim, khillieô toxench addambe bosoile.
4. Hanchea lagsar Uriasachea putan, Hakozachea natvan Meremothan durust kelem. Berekiachea putan, Meshezabelachea natvan, Meshulamanan hannem, hanchea lagsar durust kelem zalear Banachea putan, Zadokan, hachê kuxichem durust kelem.
5. Zorui tea nograntle unch kullieche hea vavrak hat-bott ghalun aplea dhoniak adar diunk kobul zale nant tori-i Tekoakaramnim tachea lagsar durust kelench.
6. Paxeachea putan Joaidan ani Besodeiachea putan Meshullaman Adlo Darvontto sarko kelo. Tãnnim pattieô choddoileô, daram lailim, khillieô ani addambe ghale.
7. Hanchê boglekuch Gibeonantlea Melatian, Meronothoachea Jadonan Gibeonkaramnim ani Mizpakaramnim poltoddchea Eufratesachea razpala khatir durust kelem.
8. Hanchê kuxikuch Harhaiachea putan Uzzielan durust kelem, ho êk dhatu-xilpkaranchea ekvottantlo vangddi ani hanchê boglek pormôll kortat tosleanchea ekvottantlea Hananias mhollolean durust kelem. Hannim Rund Kotta meren Jerusaleachem Durig ghôtt bandun novean sarkem kelem.
9. Tanchea lagsar Jerusaleachea ordea jhil'leacho odhikari Refaia, Hurachea putan durust kelem.
10. Tanchea lagsar Harumapachea putan Jedeiasan aplea ghara samkar aslolem durust kelem; Hanchê kuxichem Hattuxan, Haxabneiachea putan durust kelem.
11. Harimacho put, Malkijasan ani Pahatt Moabacho put, Haxub hannem Agtteacho Gopura merencho êk vibhag sarko kelo.
12. Ani hanchê fuddlo Halloheshacho put, Shallum, ho Jerusaleachea ordhea jhil'leacho malgoddo aslo, hannem ani tachea putamnim durust kelo.
13. Hanunan ani Zanoasant vosti kortoleamnim Falkeacho Darvontto durust kelo: Hannim to bandlo, khillieam- addameam soit daram lailim ani Xennacho Darvontto aslo thoim porian ek hozar lambai, rundai ani unchai aslolem durig durust kelem.
14. Rekabacho put Malkija Beth-ha-Kerem jhil'leacho odhikari, hannem Xennacho Darvontto durust kelo; novean bandun tannem taka dha kovddam lailim, khillieô ani addambe bosoile.
15. Zhoreacho Darvontto durust Mispa jil'leachea odhikarean, Kol'Hojen Shallumachea putan kelo, novean tãnnim to bandlo; pattsallo ghalo, kovddam ghalun khillieô ani addambe bosoile. Toxench tannem Davidachea xara koddlean paz vetali tê meren tem sokol denvpachea panvddea porian Razachê bagêxinch Siloachea Tolleachi vonnot bandli.
16. Tachea uprant Betzur jil'leachea Ordea Bhagacho odhikari Abzukachea putan Nehemian durusti keli. Ti tannem Davidachea ghoranneachea fonddam mukhar thoim bandlolea tollea porian Vir Ghorachê Svatê porian keli.
17. Tachea uprant, levitamnim bandkam kelem. He te levit: Banicho put, Kehum, tachê boglek Ashabia, ho Kelia jhil'leachea eka ordhacho mukheli ani tannem apleach jhil'lea pasot durustechem kam kelem.
18. Tachea uprant Levitanchea bhavamnim durustichem kam' kelem. Hanchê modle Henadadacho put Binui ho Keyla jhil'leachea dusrea ordacho odhikari aslo.
19. Tachê boglek Jeshuachea putan Ezeran durustichem kam kelem. Ho Ezer Mizpah jhil'leacho mukheli, hannem xostram-ghora vechê choddttê mukhavelea bhagachi mhonngê kon'xeachi durusti keli.
20. Tachea uprant Zabaichea puta, Barukan tea kon'xea thaun mukhel iadnik Eliashibachea ghorachea dara porian aslolea bhagachi durusti keli.
21. Tachê uprant Uriachea puta ani Hak'kozachea natva Meremothan Eliashibachea ghorachea dara meren ghorachi xevôtt porian aslolea bhagachi durusti keli.
22. Ani Tachea uprant, jhil'leant ravpi iadnikamnim durusti keli.
23. Tanchea uprant Benjamin ani Hasshub hannim apleach ghora samkarchea bhagachi durusti keli. Tanchea uprant, Maseiachea putan Azarian, Ananiasachea natvan apnnacheach ghora kuxichi durusti keli.
24. Tachea uprant Henadadachea putan, Binuin Azariachea ghora thaun kon'xea porian aslolea bhagachi durusti keli.
25. Hachea uprant Uzaichea putan, Palalan kon'xea mukhavelea ani Pareachea angnna kodde Razachea voilea ravllara thaun fuddem ieta tea burza fuddlea bhagachi durusti keli ani tachê kuxik Paroshachea putan Pedaian durusti keli.
26. Pedaiachea xezara fuddlean ailolea vhoddlea burza mukhar
27. Ofelachea kotta porian Tekoakaramnim anink eka bhagachi durusti keli.
28. Iadnikamnim Ghoddeachea darvonttea-xim dôr-eklean ap-aplea ghora mukhavelea bhagachi durusti keli.
29. Tanchê uprant Imerachea putan Jadokan aplea ghora mukhavelea bhagachi durusti keli. Tachea uprant Shekaniachea putan, Shemaian durustechem kam kelem. Ho Shekania Udenti-darvontteacho rakhonndar.
30. Tachea uprant Shelemiachea putan, Hananian ani Zalafachea sovea putan Hanunan anink eka bhagachi durusti keli. Berekiachea putan, Heshullaman apleach kudda mukhavelea bhagachi durusti keli.
31. Tachea uprant dhatu-xilpkaranchea ekvottantlea Malkijan mondirachea gulamam ani veapareanchea ghoram porian Sobhavexi mukhar ani kon'xeachea mukhel darvonttea porian aslolea bhagachi durusti keli.
32. Kon'xeachê malliê ani Menddreanchea darvonntea modem sonar xettimnim ani veapareamnim durusti keli.
