1. Hem sogott ghoddlolea pasun ami êk boroun thir koblat kortanv. Amchea kunvramnim, levitamnim, iadnikamnim ani heram lokamnim, mhôr marlolea dakhleancher aplim nanvam ghalim.
2. Mhôr marlolea dakhleacher him nanvam aslim: Nehemiah, Hakaliacho put ani Zedekiah,
3. Seraia, Azaria, Jeremias,
4. Pashur, Amaria, Malkija,
5. Hatush, Shebania, Maluk,
6. Harim, Meremoth, Obadia,
7. Daniel, Ginnethon, Baruk,
8. Meshulam, Abija, Mijamin,
9. Maazia, Bilgai, Shemaa, he iadnik.
10. Levit te he: Azaniacho put Jeshua,Henedadachea putantlo Binui,Kadmiel;
11. ani tachea nateantle Shebania,Hodia, Kelita, Pelaia, Hanan,
12. Mika, Rehob, Hashabia,
13. Zakur, Sherebia, Shebania,
14. Hodia, Bani, Kenani.
15. Porjeche mukheli: Parosh, Pahath-Moab, Elam, Zat'tu, Bani, Guni, Azgar, Bebai,
16. Adonijah Bigvai, Adin,
17. Ather, Hezekia,
18. Azur,
19. Hodia, Hashum, Bezai,
20. Harif, Anathot, Nebai,
21. Magpiash, Meshul'lam, Hezir,
22. Meshezabel, Zadok, Jaddua,
23. Pelatiash, Hanan Anaia,
24. Hoshea, Hanania,
25. Hashub, Hallohesh, Pilha, Shobek,
26. Rehun, Hashabna, Masheia,
27. Ahija, Hanan, Anan,
28. Malluk, Harim ani Bana.
29. Ani urlolo lokui, iadnik, levit, darvotthekar, gavpi, mondirantle chakor ani Devachê Somurtik chikttun ravpa khatir desantlea lokam koddle aplê sombond toddlolim tim sogllim, toxench tancheô bailô-i, tanche put, tancheô dhuvô mhonngê vichar korpache piraier pavlolim
30. tim sogllim Devachea sevoka Moizesa vorvim diloli Somurt pallunk Sorvespora, amchea Devache soglle updes tachea chalim ani kaideam soit.
31. Desantlea lokam kodde amchea dhuvank ami lognam korun dinvchim nanv toxench amchea putam-i lagim tanchea dhuvank logn zaunk dinvchim nanv.
32. Zôr Son'vara disa, desacho lôk vikunk jinos vô khavpache podarth haddit zalear Son'vara vô povitr disa ami tanchê koddlean kãi viktem ghenvche nanv. Satvea vorsa jem dhortorer pikta tem ami sôddun ditoleanv ani sogllea jin'sachim rinnam maf kortoleanv.
33. Him bondonam ami mandun ghetanv: Ami amchea Devachea Mondirantlê sevê khatir protek ek trutyanx shekel vorsa-vorsa ditoleanv:
34. Sodam sorvodam somorpunk unddeam pasot, xasvot dhormik denngi,
35. xasvot hom'-orponn ani son'varachea-sonvara punvê ani nemlolea sonn-porbam somoiar sombondachim bolidanam ani povitr vostu, Israelachea prachita pasot; ekach utran amchea Devachea Mondirachea ak'khea vavra pasot.
36. Tea bhair vorsan-vorsa Devachea mondirant bhuimentlim prothom'-follam ani sorv amchea porsam molleantlim piklolim poilinch follam,
37. toxench amchê malgodde put ani amchim gorvam, Somurtint boroun dovorlam toxem, amchea mon'zatinchea mhonngê gorvanchea ani bokddeanchea poilech pavtt zolmol'leank, amchea Devachea Mondirant vidhi choloitolea iadnikam lagim dinvchem.
38. Hachê bhair boreantlem borem moll'llolem pittli, piklolea follancho dôr-êk jinos, novem moll'llolem pitth, soro ani iadnikam khatir tel Devachea Mondirachea kotthiamnim ami pavti kortoleanv; ani bhui-mer pikta tacho dhavo vantto levitank Amchea dhormachea sogllea nograntlo dhavo vantto levituch zoma kortole.
39. Levit dhavo vantto ghetat tedna tanchea sangata Aronachea kulliecho êk iadnik ascho ani levitamnim dhavea vantteacho, dhavo vantto amchea Devachea Mondirachea kotthiamnim mhonngê Bhanddarachea kuddamnim ghalcho. 39. (40a)Israel porjen ani levitamnim orovdhanno, dakam-soro ani tel osleanchim somorpit orponnam ani Dev-sthanantlim aidonam ani vidhi choloupi iadnik dar rakhonndar ani gavpi astat tea kotthiê-kuddamnim haddchim. (40b)Tea bhair, iadnik, levit ani her lôk, oxem ami amchê bhitôr sorti ghalun xastrant boroilolem toxem Devachê Vedicher zollonvchê pasot ap-aplea kullam pormannem vorsachea-vorsa nemlolea kallar lakddanchi purvonn korchi oxi vevostha-i kelea. (40c) Hea fuddem ami anink kednach Devachea Mondirachi beporva korchim nanv.
