1. Atam porjechea fuddareamnim Jerusaleant ravpak suru kelem dekhun urloleamnim sorti ghaleô. Dha-antlea eklean Jerusaleant, povitr xarant ieun ravchem zalear heram nnov zannamnim bhair ganvamnim vosti korchi.
2. Jerusaleant ravunk khoxi dakhoilolea soglleank porjen vakhannlim.
3. Judant ravpi prantantle mukheli hech asle, punn Israel porza, iadnik, levit, mondirantle sevok ani Solomonachea sevokanche purvoz Jerusaleant ani Judantlea nogramnim ap-apnnacheach bhattant ravtale.
4. Jerusaleant aplim ghoram-daram bandun vosti kelolea Juda ani Benjamin vounxantle te he: Uzzuacho put, Athaia, ani ho Amariacho ani Shefatiacho, ani Mehalalecho, he Perezache sonstintle; ani
5. Maaseia, Barukacho put, Baruk Kol-Hozecho, ho Hazaicho, ho Adaicho, ho Joiaribacho, ho Zekariacho, Shelachea ghoranneantlo.
6. Perazache je purvoz Jerusaleant ravtale te soglle dhôrun charxim atthsott namneche monis asle (468).
7. He Benjaminanche put: Salu Meshulamacho put, ho Joedacho put, Kolaia ho Pedaiacho put, Maaseia ho Kolaiacho put, Ithiel ho Maseiacho put, Jeshaia ho Ithielacho put,
8. ani tache bhav Gabai ani Salai; nnoixim atth'thavis asle.
9. Zikricho put Joel tancho mukheli. Ani xarachê podvechê dusrê svater Haxeshuacho put Juda aslo.
10. Iadnikachê kullientle: Joiakim Jedaiacho put, Seraiacho put Joiakim, Hilkiacho put Seraia,
11. Meshulamacho put Hilkia, Zadokacho put Meshulam, Meraiothacho put Zadok, Ahitubacho put Meraioth, ho Devachea mondiracho mukheli aslo;
12. ani tanche soire je Mondirantlem sevadhormik kam kortale te atthxim bavis zann asle; Jerohamacho put Adaia, Pelaliacho put Jeroham, Amzicho put Pelalia, Zekariacho put Amzi, Pashuracho put Zekaria, Malkijacho put Pashur,
13. ani tanche ganv bhav ghoranneanche mukheli: don'xim bechallis. Azarelacho put Amashai, Ahzaiacho put Azarel, Meshilemot hacho put Alizai, Imeracho put Mishelemoth,
14. ani hanche soire ekxem atth'ttavis (128) namneche monis. Tancho mukheli Magdolimacho put Zabdiel.
15. Ani levitantle: Hashubacho put Shemaia, Azrimacho put Hashub, Hashabiacho put Azrikam, Bunnicho put Hashabia;
16. ani levitanchea mukheleam modle Shabbethai ani Jozabad, he Devachea Mondirachea bhailea vavrachi zobabdari choloitale;
17. ani prarthona vellim vakhannnechim magnnim ani dhinvasnni suru korchem fuddariponn Mikacho put Mattania, Zabdicho put Mika, Zabd Asafacho put, ho choloitalo. Bakbukia, ho tacho sokoilo sonvgoddo ani Shammuacho put Obadia, Galalacho put Shammua, Galacho put Jeduthun.
18. Povitr xarantlea sogllea Levitancho ankddo don'xim chovrai-xim aslo.
19. Dar-rakhnne: Akub, Talmon ani darvonttea-xim paro kortale tanche soire te: ekxem beat'tor (172).
20. Bakichi Israel porza, iadnikam ani levitam soit, Judachea sorv nogramnim, zonn-eklean ap-aplea purvozanchea bhattant rabito kelo, ani kheddeamnim ap-aplea vaddeamnim.
21. Mondirache chakor Ofelant ravtale.
22. Ziha ani Gixpa hanchê khal Devmondirache chakor asle. Banicho put Uzzi, Hashabiacho put Bani, Mattaniacho put Hashabia, Mikacho put Mattania, Asafachea kullantle, Hillzzi Jerusaleantlea levitancho odhikari aslo; Asafachea vonxantle nizache gavpi te Devachea mondirant sevadhorma vellar apunn gaionam choloitale;
23. kiteak Razachi tankam hukum' asli; disachea-disa nemavolli pormannem tãnnim gavunk zai aslem.
24. Judacho put Zera, hachea vounxantlo Meshezabel, hacho put Petaia loka sombondachea sogllea vaura babtint raza mhoreantuch aslo.
25. Judachea vounxantlea thoddeamnim Kiryath-Arbant ani tachea kheddeamnim aplim ghoram bandlim, Dibonant ani tachea kheddeamnim ani Jekabzilant ani tachea kheddeamnim,
26. Jeshuant, Moladant, Beth-Peletant,
27. Hozor-Shualant, Bershebant ani tachea kheddeamnim,
28. Ziklagant, Mekonant ani tachea kheddeamnim,
29. En-Rimmonant, Zorant, Jormuthant,
30. Zanoant, Adullamant, ani tanchea ganvamnim, Lakishant ani tachea vaddeamnim, ani Azekant ani tachea kheddeamnim vosti keli; hê porim Beersheba pasun tem Hinnomachea falkea porian tãnnim apli vosnnuk keli.
31. Benjaminachea vounxantlea kaim zannamnim, Gebant Mikmashant, Aijant, Bethelant ani tachea kheddeamnim vosti keli zalear
32. Ananiant,
33. Hazorant, Ramant,Gitaimant,
34. Hadidant, Zeboimant, Nebalant,
35. Lodant, Oneant ani Karagiranchea falkeant ravunk lagle.
36. Thodde Levi-kullientle Judant zalear thodde Benjaminant ravle.
