1. Artaxerxes razachea vhoddilank razvoddeant hanvem mhojê borabor zoma kele, kuttumbanche vhoddil Babiloniê thaun bhair sorle tanchi vonxavôll dilea te:
2. Finehasachea putam modlo, Gershom; Ithamarachea putam modlo, Daniel; Davidachea putam modlo Hattush
3. Shekaniahcho put; Davidachea putam modlo Zekariah, ani tachê borabor ekxem pon'nas dadle sorkarachea hukuman xivdder ghal'le;
4. Pahat-moahrachea putam modlo: Eliehoenai; Zerahiahcho put ani tachê borabor don'xim dadle;
5. Zattuchea putam modlo: Shekaniah, Jahazielacho put, ani tachê borabor tinxim dadle asle;
6. Adinachea putam modlo; Jonathanacho put Ebed, ani tachê borabor pon'nas dadle;
7. Elamachea putam modlo; Jeshaiah, Athaliahcho put, ani tachê borabor sot'tor dadle;
8. Shefatachea putam modlo: Zebadiah, Mikaelacho put ani tachê borabor oixim dadle;
9. Joabachea putam modlo: Jeheilacho put, Obadia, ani tachê borabor don'xim otthra (218)dadle;
10. Banichea putam modlo; Shelomit, Josifiahcho put, ani tachê borabor ekxem satt dadle;
11. Bebaichea putam modlo; Zekariah, Bebaicho put, ani tachê borabor otth'tthavis (28) dadle;
12. Azgadachea putam modlo; Hakkatanacho put Johanan, ani tachê borabor ekxem dha (110)dadle;
13. Adonikamachea putam modle: dhaktte put him tanchim nanvam: Elifelet, Jeiel ani Shemaiah, ani tanchê borabor satt dadle; ani
14. Bigvaiche put: Uthai, Zabudacho put ani tachê borabor sot'tôr dadle.
15. Ahavak vetolea paroza-xim hanvem tankam ektthaile ani thoim ami tin dis ravleanv. Tancher bariksannen nodor marun griosti ani Iadnik mhaka mell'le, punn Levit konn mhaka mell'llona.
16. Mhonnttôch, hanvem Eliezer, Ariel, Shemaiah, Elnathan, Jarib, Elnathan, Nathan, Zekariah ani Meshullam, Xanneam mon'xank hanvem apoile
17. ani tankam Iddo Kasifia prantantlea mon'xa-xim dhaddun dile; mukhel suvater ravtoleank, Kasifia nanvachê Iddok ani tachea mon'xank kitem gomounchem tem hanvem tankam sanglem; mhonngê Devachea amchea Devachea mondirachi seva kortole monis amkam toiar korunk.
18. Ani amcho Dev amkam proson'n aslo dekhun, tãnnim amkam êk xanno monis dhaddlo, Mahlichea putam modlo Levicho put, Israelacho put, Sherebiah, tachea putam ani soiream borabor: Otthra dadle;
19. toxench Hashabiah ani tachê borabor, Merarichea putam modlo tacho bhav Jeshiah, toxench tache soire ani put: vis dadle;
20. toxech don'xim ani vis mondirache gulam' Davidan ani kunvramnim Levitanchi seva korunk naslole tea mondirachea gulamanchi sonsôt hanchim soglleanchim nanvam dilolim asat.
21. Thoim, Ahavachea paroza kuxik hanvem êk upas jahir kelo: amchea Deva mukhar ami khalti zaunk ani ami tanchê khala aslolim amchem samon solamoti vatt tankunk magnnem korunk,
22. tôr raza lagim, amchea dusmanam add rakhunk, ghoddesvar magunk, mhaka loz disunk zai asli, kiteak ami razak adinch oxem sanglolem, 'Apnnak rakhonn sôdtoleam voir amchea Devacho hat sodanch asa, punn tachê koddsun pois vetoleancher tachem podvedar farikponn denvta.'
23. Mhonnttôch ami upas kelo, amchea Deva kodde prarthun maglem ani Devan amchem magnnem aikolem.
24. Uprant hanvem bara mukhel iadnikank venchun kaddle ani toxech, Sherebiah ani Hashabiah tanchea dha soiream borabor Razan,
25. tachea buddhvontamnim, tachea mukhel mon'xamnim ani thoim hajir aslolea sogllea Israelkaramnim amchea Devachea Mondirak bhettoilolim dennim, mhonngê rupem, bhangar ani aidonam, tanchê fuddean zokun hanvem tankam dilim.
26. Mhonnttôch hanvem tanchê fuddeant zokhun tankam soixim pon'nas rupeache talent ani odik dile; rupeachim xembor aidonam, hanchem vozon don talent; bhangarache xembor talent;
27. bhangarache vis kanxe hanchem mol êk hozar darics; ani ghansun chokchokit kel'lim tambianchim aidonam, tanchem mol bhangara itlem.
28. Hanvem tankam sanglem, 'Tumi Sorvesporak bhettoitole; him aidonam-i bhettoilolim; rupem ani bhangar Sorvesporak, tumchea purvozanchea Devak, ap-khuxen kel'lim dennim.
29. Tim chotraien rakhat ani mukhel iadnikam, Levitam ani Israelachea kuttumbachea vhoddilam fuddem, Jerusaleant Sorvesporachea Mondirachea kuddamnim zôkisortim samballat.'
30. Iadnikamnim ani Levitamnim,zokhlolea rupea bhangara ani aidonanchi tim Jerusaleak, amchea Devachea Mondirant vhorunk, zobabdari ghetli.
31. Poilea mhoineachea baravea disa, Jerusaleak vochunk, Ahavachea paroza thaun ami suru kelem; amchea Devacho hat amchê voir aslo ani tannem amkam amchê vatter, dusmanache ani ovchit zotkantle nivarle.
32. Ami Jerusalea pavleanv tedna, tin dis visôv ghetlo.
33. Chovthea disa, rupem, bhangar ani aidonam, amchea Devachea mondirant zokhlim ani Iadnik Meremoth, Uriahchea putachea hatant dilim ani tachê borabor Finehasache put Eleazar aslo; tanchê borabor, Jeshuacho put Jozabad ani Binnuicho put Noadiah asle.
34. Ankddean ani vozonan sogllem sarkem aslem. Sarem-purem vozon boroun dovorlem.
35. Pordesantle porot ailole koidi Israelachea Devak hom' bhettoita ak'khê Israel porjê khatir bara boil, channôv (94) vhodd menddre, beat'tôr (72) lhan menddre ani patkam khatir bara dadlea lingache bokdde: hancho soglleancho Sorvesporak hom' bhettoitale.
36. Razache nem', Eufrates poltoddchea prantachea Razachea sardarant ani rajpalank gomoitale, uprant he lok ani Devachem mondir aplea asrea khal ghetale.
