1. Jea vellar Ezra, Devachea Mondira mukhar, roddun ani saxttangim poddun magnnem kortalo ani patkam vollkun ghetalo, Israelantlea dadleancho, bailancho ani bhurgeancho êk vhodd zomo tachê bhonvtim dukhamnim roddtalo.
2. Tedna, Elamachea putam modlo, Shekaniah, Jehielacho put, vhoddlean uloun, Ezrak sanglem, 'amchea lokantlea porkeam bailam lagim logn zaun, amchea Devak ami ovisvaxi zaleanv. Toripunn, Israelak ozun ilo bhorvanso asa.
3. Mhojea dhoniache ani ami amchea Devachea nemank kolkoltat tanchi budh mandun gheun, amchea videxiam bailank ani tanchea zolmololea bhurgeank pois dhaddunk amchea Deva kodde korar kortoleanv. Sumurti pormannem korum-ia.
4. Cholat tumcho kaido pallat; ami tumkam tenko ditanv, kalljidar zaiat, kamak lagat.'
5. Tedna Ezra ubo ravlo ani mukhel iadnikank, Levitank ani sogllea Israelak sanglem toxem korunk soput diunk lailo.
6. Tãnnim soput dilo tea vellar Ezran Devachea Mondira mukhavhelo zago sôddlo ani Jehohanana, Eliashibachea putachea kuddant gelo, ani thoim unddo khainastana vô udok pienastana rat sarli, kiteak pordexianchea ovisvasa pasot to dukh korit aslo.
7. Sogllea pordexiamnim Jerusaleant zomchem mhonn Judeiant ani Jerusaleant xekanxek formonn ghoxit kelem ani konnui,
8. tin disam bhitor fuddarianchem ani zantteanchem formonn mandun hajir zaina tachi soglli aspôt kaddun ghetole ani tankach pordexianche somudaientlo bhairaitole mhonn tharailem.
9. Hê toren, tin disam bhitôr, Judachea ani Benjaminachea kullantlim sogllim mon'xam Jerusaleant ekttãi zalim; to nnovea mhoineacho visavo dis aslo; Sogllo lôk, Devachea mondira mukhar axil'lea chovkant zomlo, ani tanchê fuddeant aslea vixoiak lagun ani motto pavs poddtalo dekhun te soglle koddkoddtale tedna,
10. iadnik Ezra ubo ravlo ani oso uloilo: 'Tumi, videxi bailam kodde logn zaun, ovisvaxi zaleat ani oxem Israelachem patok vaddoilam
11. tôr atam, Sorvesporak, tumchea purvozanchea Devak dhinvasat ani ganvchea lokache ani tumchea porkea bailam sorxile pois ravun, tachi khoxi pallat.'
12. Bob marun, sogllê sobhen oso zobab dilo; 'Hôi, tum sangtai toxem korunk amcho kaido.
13. Punn hangasor khub lok asa ani ho pavsacho kall; amchean bhair ravunk zaina; tê bhair, ho vaur êk vô don disamnim zavpacho nhoi, kiteak hê babtint amchê modem zaite ovisvaxi zaleat.
14. Amche odikari ak'khea somazache protinidi zaum-di ani nograntle soglle je videxi bailam lagim logn zaleat tãnnim ap-aplea nograntlea zantteam ani nitidaram borabor, Devacho amcher rag zollto to amche velo pois zaisor, nemlolea kallar ieunche.'
15. Fokot Asahelacho put, Jonathan ani Tikvacho put Jahzeiah, Meshullamacho ani Levit Shabbethaiacho tenko gheun, hê ievzonnecher add asle.
16. Pordexi, hê suchovnnê pormannem chol'le. Iadnik Ezran, zaitea ghoranneanche kuttumbache vhoddil, ap-aplea nanvan vinchun kaddle. Dhavea mhoinneachea poilea disa, hê babtint topasnnecheô boska suru keleô,
17. ani poilea mhoineachea poilea disa porian tãnnim videxi bailam lagim logn zalolea soglleank topasun kaddle.
18. Iadnikam modem, porkeam bailam lagim logn zalole te he: Jozadakacho put Jeshuachea putam ani tachea bhavam modlo: Maaseiah, Eliezer, Jarib, ani Gedaliah;
19. aplea bailank dhaddun diunk tãnnim utor dilem; tanchea patkak lagun iodnak êk bokddo bhettoilo;
20. Immerachea putam modle: Hanani ani Zebadiah;
21. Harimachea putam modle: Maaseiah, Elijah, Shemaiah, Jehiel ani Uzziah;
22. Pashhurachea putam modle: Elioenai; Maaseiah, Ismael, Nethanel, Jozabad ani Elasah;
23. Levitam modle: Jozabad, Shimei, Kelaiah- mhonngê Kelita-Pethahiah, Judah ani Eliezer;
24. Gavpeam modle: Eliashib ani Zakur; Dar-rakhnniam modle: Shallum, Telam ani Uri;
25. Ani Israelkaram modle: Paroshachea putantle: Ramiah, Izziah, Malkijah, Mihamin, Elezar, Malkijah ani Benaiah;
26. Elamachea putantle: Mattaniah, Zekariah, Jehiel, Abdi, Jeremoth ani Elijah;
27. Zattuchea putantle: Elioenai, Eliashib, Mattaniah, Jeremoth, Zabad ani Aziza;
28. Bebaiachea putantle: Jehohanan, Hananiah, Zabbai, Atlai;
29. Bigvaichea putantle: Meshullam, Malluk, Jedaiah, Jashub, Sheal, Jeremoth;
30. Pahath-Moabachea putantle: Adna, Khelal, Benaiah, Maaseiah, Matthaniah, Bezalel, Binnui ani Manasseh;
31. Harimachea putantle: Eliezer, Isshijah, Malkijah, Shemaiah, Shimeon,
32. Benjamin, Malluk, Shemariah;
33. Harshumachea putantle: Mattenai, Mattattah, Zabad, Elifelet, Jeremai, Manasseh, Shimei;
34. Banichea putantle: Maadai, Amram, Uel,
35. Benaiah, Bediah, Jeluhi,
36. Vaniah, Meremoth, Eliashib,
37. Mattaniah, Mattenai ani Jaasau;
38. Binnuiachea putantle: Shimei,
39. Shelemiah, Nathan ani Adaiah;
40. Zakaiachea putantle: Shashai, Sharai,
41. Azarel, Shelemiah, Shemariah,
42. Shallum, Amariah, Juze;
43. Nebochea putantle: Jeiel, Mattithiah, Zabad, Zebina, Jaddai, Joel, Benaiah.
