1. Bhangaracho porzôll koso mhonn uddun gelo? Koxem mhonn nirbhel bhangar sarkench bodòl'lem? Sogllea rosteam-nakeancher povitr fator ximpoddleat!
2. Sionacheô put-dhuvô nirbhel bhangara itleô moladik asleô kumbaran kel'lea aidonam itlem tanchem mol atam zalam!
3. Koliô legun aplem hodd'ddem ugddun aplea porank dudachopano ditat; punn mhoji porza oronneantlea shohamurgam porim aplea porank krur zalea.
4. Dudachea ballachi jib tanen talliek panklea; bhurgim bhakrecho kuddko tori khaunk magtat, punn konnuch to tankam dina.
5. khata-jevtalim, tim atam rosteancher poddun mortat; zankam nazuk kirmiji-lal vostram nhesoun voir kaddlolim, kitem-i tori sôdun kaddunk kochreache dobe ustitat.
6. Sodomachea patkam-vôn odik vhodd mhojê porjeche oprad: khoincheach mon'xan tika hat lainastana êkêch ghoddiê bhitôrtika xevttili.
7. Magam tiche tornnatte hima-vôn odik chokchokit ani duda-vôn odik dhove-ful asle; kuddin ponvllea-vôn odik tambdde, nillrotnam vori aslem tanchem rup.
8. Ghonxi-vôn odik kallim zaleant atam tanchim tonddam, vatter vetana tankam vollkhunk zaina, tanchi kat haddank laglea, boddiê porim te sukleat.
9. Bhuken moron poddloleam von torvarin mel'le odik subhagi odik borem: kiteak zomnichem utpon'n mellona zaun, te atam bhuken sukun vetat.
10. Doiall-maiall ostoriô porian apleanch hatamnim apleanch bhurgeank randunk pavleô; mhojê porjechem nisontton zalem tedna, hem zalem tanchem khann!
11. Sorvesporan Aplo krôdh boroch peroilo, Aplea ragacho kinv ôtlo; Xionant Tannem ek agttem pettoilem ani hea ujean tichê buniadicho bhosm kelo.
12. Jerusaleachea darvontteantleanxotru vô dusman bhitôr sortole aslemhonn prithveche raza, na mhonnsonvsarantlim konnuch monxam,kednanch sotmandpak naslim.
13. Tichea provadiamnim patok kelam, tichea iadnikamnim khun keleat: Xara bhitôr tãnnim promannik mon'xanchem rogot vikrailam; dekhun hem sogott zalam.
14. Rogtan bhoxtton, kudd'ddeam bhaxen te rosteancher firtale; tanchea vostrank hat lavunk konnuch fuddem soro naslo.
15. Pois sorat! tumi mhelle!' - sogllim arddun mhonnttalim, 'Pois sorat! Pois sorat!' tankam hat lavum nakat!' Pollun raxttram modem asro sôdlo: konnench tankam biradd diunk na.
16. Khud Sorvesporan tankam zollim-mollim ximpddailim; tanchi Taka anink kallji na; Iadnikank konnuch kherit man dakhoinaslo, zannteank-ui konn adôr dinaslo.
17. Adar ietolo kai mhonn polleun amche dolle nirfollim thokun gele. Khoinchem-i ek raxttr pavot kai mhonn ami tellun ravleanv; ailolem zalear-ui tachean amkam soddounk zaunchem naslem.
18. Dusman amchim panvlam rakhun asle, dekhun rosteancher porian amkam cholunk mellonaslem. Amcho xevôtt lagim pavlolo, amche dis mêzlole asle, khorench amcho xevôtt pavlolo.
19. Amkam dhumallo ditale te mollba velea giddgeam poros odik vegan dhanvtale; te dongrancher amchê pattik lagle; amkam sampddaunk oronneant doddeak ravle.
20. Sorvesporacho Obhixikt amchea jivacho samballnar: 'raxttram modem tachê rakhnnecher ami visvas dhôrun asleanv': punn atam takach tãnnim aplea fasamnim sampddailo!
21. Uz ganvant ravtolê Edomachê porjê, khuxal za, anonbhorit za!Odruxttachem patr tuka-i pavtolem, tum bebdi zatolii, ani sarki nagddi ubi ravtolii!
22. Sionachê porjê, tujea patkanchem farikponn zalem; To tuka anink pordexi korcho na; Edomachê porjê, tujea khotteponnak To khast laitolo; tujim patkam uktim korun dakhoitolo!
