1. Polleiat, zolltea agttea porim êk Dis lagim pavta. Gorvixtt ani khotteponnam kortat tim sogllim mon'xam suklolea tonna sarkim zatolim. Tanchem mull ani tall dovrinastana, lagim pavla to Dis tankam ulpaitolo, mhonntta Sorvsoktivont Sorvespor.
2. Punn tumkam, Mhojea nanvachi bhokti kortoleank, promannikponnacho Suria porzolltolo ani tachea kirnnamnim bholaiki astoli. Mhojem kam' korunk Hanv ietolom tea disa, mhonntta Sorvsoktivont Sorvespor, gottheantle sôddleat tea paddeam sarkim uddiô marun tumi bhair sortoleat.
3. Tumi noxtteank maddoitoleat, ani tim tumchea pãiam tolla gobra sarkim zatolim.
4. Mhojea chakra Moizesachê Somurticho ugddas dhôrat, ak'khea Israela khatir Hanvem taka dil'le hukum ani kaide monant dhôrat.
5. Sorvesporacho vhôdd ani bhirankull Dis pavchê adim, Elija provadiak Hanv pattoitolom.
6. Hanv ieun desacher Mhozo nisonnttonacho xirap poddona zaunk, to avoi-bapaianchim kallzam aplea bhurgeam thaim ani bhurgeanchim kallzam aplea avoi-bapaiam thaim vôlltolo.'
