1. Dekhun, Sorvesporan amcher, Israelacher odhikar choloitale tea amchea nitidarancher, amchea razancher ani fuddariancher ani Israelachê ani Judachê porjecher dil'lem khastichem formonn pall'lem.
2. Tannem Jerusaleak kelem toxem anink khoinsoruch, hea vistarlolea ontralla ponda, anink ko-nnankuch korunk na. Hem sogllem Moizesachê Somurtint boroil'lem asa tea pormannem ghòddlem.
3. Ami sogllim amcheanch putam-dhuvanchem mas khaunk pavleanv.
4. Itlench nhoi: Tannem amkam bhonvtonnchea sogllea rajeanchea tabeant kelim, ani bhonv-tonnchea raxttram mukhar amkam kenddnniancho mhal ani xirxiro haddta tosli vôst kelim.
5. Dhoni zaunchê svater, ami gulamam zaunk pavleanv, kiteak Tachem utor kanar ghena zaun, Sorves-pora amchea Devacher ami patok kelem
6. Dhoni Sorvespor korta titlem niti pormannem korta; aiz porian amchea tonddar poddlolo asa to lojecho kallôk khorench amkam ani amchea purvozank favo.
7. Je soglle sonkoxtt Sorvesporan Apunn amcher dhaddtolo mhonn dhomki dil'li, te aiz amcher denvun aile.
8. Torui ami zonn-eklean, aplem khottem kalliz dakhoitalem ti vatt sôddun dinastana, Sorvesporak proson korunk proitn korunk na.
9. Mhonnttôch, amchea patkancher Sorvespor Aple dolle dovrun aslo, ani amcher Tannem noxtt dhaddlem.
10. Tori astam, Tachea talleak ami kan diunk na ani Tannem amkam korunk formailoleô teô soglleô adnia ami pallunk nant. Prarthon
11. Ani atam, Sorvespora, Israelachea Deva, Tunvem Tujê porjek bollixtt hatan, khunna ani vismitam korun, vhôdd podven ani vistarlolea bavllean, Ejiptantli bhair kaddlii ani Tuka ai-chea disa asa tem vhodd nanv zôddlei.
12. Ami patok kelam, ami bhoxttoleanv; Sorvespora, amchea Deva, Tuje soglle nivadde ami môddleat.
13. Amchê velo Tuzo rag koddsorom, kiteak amkam Tunvem ximpddaileai tea raxttram modem fokot êk kirkôll urlolo zomo ami zaleanv.
14. Sorvespora, amchem mag-nnem aik, amchê vinovnnek kan di; Tujêch khatir amkam nivar, ani amchea desantlim kaddun amkam pordesant dhaddleant tea rattrachem boreponn ami melloun gheum-xem kôr.
15. Oxem, Tum Sorvespor amcho Dev mhonn sogllo sonvsar zanno zaunk pavum, kiteak Israelak ani tachê sonstik Tujem nanv dilolem asa.
16. Sorvespora, Tujea povitr tthikanna thaun amcher dixtt ghal, amcho ugddas kôr, amkam kan di, amchem aik.
17. Tuje dolle ugôdd, Sor-vespora, ani polle; jim konn Patallant pavleant, zancho svas tanchê bhitorlo kaddla, tim Sorvesporak mhoima ani favo to man diunk xokonant.
18. Jim konn akantan chèplolim asat, jim konn osoktaien mengim zaun bhonvtat, zanchi dixtt osokt zalea, ani zancho jiv nirbôll zala, oslinch mon'xam, Sorvespora, Tuka mhoima ani favo to man diunk xoktat.
19. Sorvespora, amchea Deva, amchea purvozanchea ani amchea razanchea borea kornniancher patieun hi khalti vinovnni ami Tujê mukhar ghalinanv.
20. Kiteak, Tujea sevokam provadiam udexim amkam diloli dhomkavnni pallun, amcher Tunvem Tuzo rag ani krôdh denvo-xe keleai. Tannim oxem sanglo-lem:
21. `Sorvespor oxem sangta: <i>Man bagaiat ani Babiloniechea razachi chakri korat</i>, ani oxem tumchea purvo-zank Hanvem dil'lea desant tumi ravunk pavtoleat.
22. Punn tumi Sorvespora-chea talleak kan dina zaxat ani Babi-loniechea razachi chakri korina zaxat zalear,
23. Judachea nogramnim ani Jerusaleachea rosteamnim anondache ani khuxalkaieche soglle ul'las ani hok-lê-novreachea lognachim sontosachim gitam Hanv bond korto-lom, ani ak'kho dês ek oronnem zai-xem kortolom, anink konn thoinsôr tthikann korchim nant toslem oronnem.'
24. Punn Tujea talleak ami kan diunk na ani Babiloniechea razachi chakri korunk na, ani dekhun, Tujea sevokam provadiam vorvim ji Tunvem dhomkavnni dil'lii, ti Tunvem pall'lii: amchea razanchim haddam ani amchea purvozanchim haddam tanchea visovachea zagea velim kaddun vhor-tole mhonn Tunvem sangloleim;
25. ani khorench, tim haddam bhair votachea dhogak ani ratichea dukheak uddoilolim asat. Ani lôk bhukek, torvarik ani morik sampddun vollvolleamnim melo.
26. Hea Ghora-nneak Tujem nanv dil'lem asa, punn Israelachea Ghoranneachea ani Juda-chea Ghoranneachea khotteponnak lagun, Tunvem hem Ghorannem aichê gotir pavoilem-i.
27. Tori, Sorvespora amchea Deva, Tujea bholeponnak ani Tujea mit-mer naslolea maiêmogak puttvota toxem Tunvem amkam vagoileai.
28. Tujea sevoka Moizesak Israelkaram mukhar Tuji Somurt borounk Tunvem adnia dilii tea disa, oxench Tum kortoloi mhonn tachê vorvim Tunvem sangloleim. Tedna Tunvem mholleim:
29. `Tumi Mhojea talleak kan dina zaxat zalear, Hanv tumkam ximpddaitolom tea raxttram modem hi bhov vhôdd ani mezum-nozo tosli porza êk lhan zomo zai-xi kortolom.
30. Kiteak apleach vadeachim zaun tim Mhojem aikunchim nant mhonn Hanv zanno aslom. Punn tanchea nirvaxipo-nnachea desant tim soirannar ietolim
31. ani Hanv Sorvespor tancho Dev mhonn tim vollkhun ghetolim. Hanv tankam ek khaltem kalliz ani ukte kan ditolom,
32. ani tanchea nirvaxiponna-chea desant tim Mhoji vakhann'nni kortolim, ani Mhojea Nanvacho ugddas kortolim;
33. tim anink apleach vadeachim zaunchim nant, ani, Sorves-pora mukhar patok kelam tea aplea purvozank kitem zalem tem monant haddun, aplim khottim kortubam sôddun ditolim.
34. Tanchea purvozank, Abrahamak, Izakak ani Jakobak êk dês ditolom mhonn soput gheun Hanvem bhas dil'li, tea desant Hanv tankam portun haddtolom, ani tim thoinsôr aplem dhoniponn choloitolim. Hanv tanchi sonkia vaddoitolom ani ti novean denvot vechi na.
35. Ani tanchê lagim Hanv êk sasnnik korar kortolom, ani oso Hanv tancho Dev zatolom ani tim zatolim Mhoji porza. Ani anink kednanch Hanv Mhojê Israel-porjek tika dil'lea desantli bhair kaddcho na.'
