1. Barukan hem pustok Babilonient boroilem. Baruk Neraiacho put; Neraia Maseiacho; Maseia Zedekiacho put; Zedekiah Hasadiacho; Hasadia Hilkiacho put.
2. Panchvea vorsant, mhoineachea satvea disa, Kaldeika-ramnim Jerusalem xar aplea tabeant korun tacho bhosm kelo tedna, Barukan hem pustok boroilem.<br/>
3. Hea pustokar boroun aslem titlem-i Barukan Jekoniak, Jehoiakimachea putak, Judachea razak, vachun da-khoilem; toxench vachop aikunk ailolea sogllea lokak:
4. odhikariank ani raz-kunvrank, ani malgoddeank; sogllea lokak mhonngê, lhan-vhôdd mhonn pollenastana, Sud nodi kodde Babi-lonient ravtolea somestank.
5. Tem vachop aikun, sogllim roddlim, tannim upas kelo ani Sorvespora mukhar prarthon kelem;
6. ani zonn-ekleachê kuveti pormannem dhormdanam ek-tthaim kelim
7. Nebukadnezzaran, Babiloniechea razan, Jekoniak ani tachea vangdda razkunvrank, dhatu-chea kamgarank, unch kulliechea toxench sadea mon'xank Jerusalea thaun nirvaxi korunk Babiloniek pa-ttoilea uprant,
8. a Tea bhair, Sivan mhoineachea dhavea disa, Devachea ghorantlim aidonam-i, Devmondirantlim kaddun vhel'lim tim aidonam, Judachea desant portun vhorunk tannim Barukachea hatant dilim.
9. b Judachea raza Zedekian, Josiachea putan, him rupeachim aidonam korunk lailolim.
10. Tannim oxem boroilem: `Ami dhorm-danam dhaddtanv tim homanchea, patkam khatir korpacheam orponnan-chea ani dhumpachea khorchak. Him somorponnam toiar korat ani tim Sor-vespora amchea Devachê vedir bhe-ttoiat.
11. Nebukadnezzarak, Babilo-niechea razak, ani Belshazarak, tachea putak, lamb aukh magat, jitlem mollob togta title tanche dis prithver togum mhonn magat.
12. Sorvespor amkam ghottai ani amchea gineanak uzvadd dium; hê porim, Babiloniechea raza Nebukadnezzarachea ani tachea puta Belshazarachea asrea khal ami jieum, ani zaitim vorsam tanchi seva korun, tanche upkar ami zôddum.
13. Toxench Sorves-pora amchea Deva kodde amchê-i pasot magat, kiteak Tacher ami patok kelam ani Sorvesporacho rag ani krôdh amchê thaun ozun porian koddsorun vochunk nant.
14. Xevttim, ami tumkam dhaddtanv to kovllo Sorvesporachea Ghorant Utsovachea disa ani tumcheô zomati bhòrtat tea nemlolea disamnim sobhê-mazar tumi vachcho.
15. Tumi oxem mhonnchem: Sorvespor amcho Dev korta titlem niti pormannem korta; aiz lojecho kallôk poddlolo asa amchea tonddar, mhonngê Judachê porjechea ani Jerusaleant ravtoleanchea tonddar,
16. toxench amchea razanchea ani kunvranchea, amchea iadnikanchea, amchea prova-dianchea, ani amchea purvozanchea tonddar; ho kallôkh amkam khorench favo
17. kiteak Devachê nodrê mukhar ami pap kelam,
18. ami Tachem utor môddlam ani Sorvespora amchea Devacho tallo ami aikunk na; ho tallo Sorvesporan dil'leô adnia amkam pallunk laitalo.
19. Sorvesporan amchea purvozank Ejiptachea desantlim bhair kaddun haddlim tea disa thaun tem aiz porian, ami Sorvespora amchea Deva-chem utor aikunk na, ami ovisvaxi zaleanv, Tachea talleak ami bhere kan keleat.
20. Dekhun, jedna Sorvesporan amkam dud ani mhonv vhanvtat toslo dês diunchê khatir amchea purvozank Ejiptantlim bhair kaddlim, tedna Aplea sevoka Moizesa udexim Tannem amcher sonkoxtt ani xirap porgôtt kel'le; te aiz porian amkam buzlole asat.
21. Devan amchê-xim zaite provadi amkam Aplo sondêx diunk pattoil'le, tori Sorvespora amchea Devacho tallo ami aikunk na.
22. Urfattim zonn-eklean aplem khottem kalliz sangta tench pallun, ami porkea devanchi seva korunk lagleanv ani Sorvespora amchea Devak vaitt dista tem ami kelem.
