ಸಾದ್ಯಾ ಕಾಳಾಚೊ ಸವಿಸಾವೊ ಸುಕ್ರಾರ್

First Reading: ಬಾರೂಖ್ 1:15-22
Responsorial Psalm: ಕೀರ್ತನ್ 79:1-2, 3-5, 8, 9
Gospel: ಲೂಕ್ 10:13-16

First Reading
ಬಾರೂಖ್ 1:15-22
ತುಮಿ ಅಶೆಂ ಮ್ಹಣುಂಕ್ ಜಾಯ್: ಸರ್ವೆಸ್ಪರ್ ಆಮ್ಚೊ ದೇವ್ ನಿತಿವಂತ್; ಪೂಣ್ ಆಜ್ ಆಮಿ ಲಜ್ ಭೊಗ್ತಾಂವ್; ತೆಚ್ ಪರಿಂ ಜುದಾಚೊ ಲೋಕ್ ಆನಿ ಜೆರುಸಾಲೆಮಾಚಿಂ ನಿವಾಸ್ಯಾಂ, ಆಮ್ಚೆ ರಾಯ್, ಆಮ್ಚೆ ಅಧಿಕಾರಿ, ಆಮ್ಚೆ ಯಾಜಕ್, ಆಮ್ಚೆ ಪ್ರವಾದಿ ಆನಿ ಆಮ್ಚೆ ಪುರ್ವಜ್ ಲಜೆಕ್ ಪಡ್ಲ್ಯಾತ್, ಕಿತ್ಯಾಕ್ ಆಮಿ ಸರ್ವೆಸ್ಪರಾಚ್ಯಾ ದೊಳ್ಯಾಂ ಮುಕಾರ್ ಪಾತಕ್ ಕೆಲೆಂ. ಆಮಿ ತಾಕಾ ವಿಧೇಯ್ ಜಾಂವ್ಕ್ ನಾಂವ್, ತಾಚೊ ತಾಳೊ ಆಮಿ ಆಯ್ಕುಂಕ್ ನಾ, ತಾಣೆಂ ಆಮ್ಕಾಂ ದಿಲ್ಲ್ಯೊ ಆಜ್ಞ್ಯಾ ಪಾಳುಂಕ್ ನಾಂತ್. ಸರ್ವೆಸ್ಪರಾ ಆಮ್ಚ್ಯಾ ದೆವಾನ್ ಆಮ್ಚ್ಯಾ ಪುರ್ವಜಾಂಕ್ ಎಜಿಪ್ತಾಂತ್ಲೆ ಭಾಯ್ರ್ ಕಾಡ್ಲೆ ತ್ಯಾ ದಿಸಾ ಥಾವ್ನ್ ಆಜ್ ಪರ್ಯಾಂತ್ ಆಮಿ ತಾಕಾ ಅವಿಧೇಯ್ ಜಾಲ್ಯಾಂವ್, ತಾಚೊ ತಾಳೊ ಆಯ್ಕನಾಸ್ತಾಂ ಅವಿಶ್ವಾಸಿ ಜಾಲ್ಯಾಂವ್. ದೆಕುನ್ ದೂದ್ ಆನಿ ಮ್ಹೊಂವ್ ವ್ಹಾಳ್ತಾ ತೊ ದೇಶ್ ಆಮ್ಕಾಂ ದಿಂವ್ಚೆ ಖಾತಿರ್ ಆಮ್ಚ್ಯಾ ಪುರ್ವಜಾಂಕ್ ಎಜಿಪ್ತಾಂತ್ಲೆ ಭಾಯ್ರ್ ಕಾಡ್ಲೆ ತ್ಯಾ ದಿಸಾ ಆಪ್ಲ್ಯಾ ಸೆವಕಾ ಮೊಯ್ಜೆ ಉದೆಶಿಂ ಸರ್ವೆಸ್ಪರಾ ಆಮ್ಚ್ಯಾ ದೆವಾನ್ ಪರ್ಗಟ್ ಕೆಲ್ಲಿಂ ವಿಘ್ನಾಂ ಆನಿ ಶಿರಾಪ್ ಆಮ್ಕಾಂ ಸೊಡುನ್ ವಚುಂಕ್ ನಾಂತ್. ಸರ್ವೆಸ್ಪರಾ ಆಮ್ಚ್ಯಾ ದೆವಾನ್ ಆಮ್ಚೆಶಿ ಧಾಡ್‍ಲ್ಲ್ಯಾಂ ಪ್ರವಾದ್ಯಾಂಚ್ಯಾ ಸಗ್ಳ್ಯಾ ಉತ್ರಾಂನಿ ಸರ್ವೆಸ್ಪರಾಚೊ ತಾಳೊ ಆಮಿ ಆಯ್ಕಲೊ ನಾ, ಬಗರ್ ಆಮಿ ಸಗ್ಳ್ಯಾಂನಿ ಆಮ್ಚ್ಯಾ ಖೊಟ್ಯಾ ಕಾಳ್ಜಾಚ್ಯಾ ವಂದವ್ಣ್ಯಾಂ ಪರ್ಮಾಣೆಂ ಚಲುನ್ ಪರ್ಕ್ಯಾ ದೆವಾಂಚಿ ಸೆವಾ ಕೆಲಿ ಆನಿ ಸರ್ವೆಸ್ಪರಾ ಆಮ್ಚ್ಯಾ ದೆವಾಕ್ ವಾಯ್ಟ್ ದಿಸ್ತಾ ತೆಂ ಕೆಲೆಂ.

-ದೆವಾಚೆಂ ಉತರ್ ಹೆಂ-ದೆವಾಚೊ ವ್ಹಡ್ ಉಪ್ಕಾರ್

Responsorial Psalm
ಕೀರ್ತನ್ 79:1-2, 3-5, 8, 9
ಶ್ಲೋಕ್: ತುಜ್ಯಾ ನಾಂವಾಚ್ಯೆ ಮಹಿಮೆಪಾಸತ್, ಸರ್ವೆಸ್ಪರಾ ಆಮ್ಕಾಂ ನಿವಾರ್

ದೆವಾ, ಹೆರ್ ಜಾತಿಂಚೊ ಲೋಕ್ ತುಜ್ಯಾ ದೆಶಾಂತ್ ಭಿತರ್ ಸರ್ಲಾತುಜೆಂ ಪವಿತ್ರ್ ಮಂದಿರ್ ತಾಣಿಂ ಭಶ್ಟ್ ಕೆಲಾ.ಜೆರುಜಲೆಮ್ ಶ್ಹೆರಾಚಿ ಧೆಸ್ವಾಟ್ ಕರ್ನ್ ಸೊಡ್ಲ್ಯಾತುಜ್ಯಾ ಸೆವಕಾಂಚಿಂ ಮೊಡಿಂತಾಣಿಂ ಅಂತ್ರಳಾಚ್ಯಾ ಸುಕ್ಣ್ಯಾಂಚೆಂ ಖಾಣ್ ಕರ್ನ್ ದಿಲ್ಯಾಂತ್ ತುಜ್ಯಾ ಭಕ್ತಾಂಚೆಂ ಮಾಸ್ ಧರ್ಣಿಚ್ಯಾ ಸಾವ್ಜಾಂಕ್ ಗ್ರಾಸುಂಕ್ ಸೊಡ್ಲಾಂ
ಶ್ಲೋಕ್: ತುಜ್ಯಾ ನಾಂವಾಚ್ಯೆ ಮಹಿಮೆಪಾಸತ್, ಸರ್ವೆಸ್ಪರಾ ಆಮ್ಕಾಂ ನಿವಾರ್

ಅಖ್ಖ್ಯಾ ಜೆರುಜಲೆಮಾಂತ್ ತಾಂಚೆಂ ರಗತ್ ಉದ್ಕಾಬರಿ ತಾಣಿಂ ವ್ಹಾಳಾಯ್ಲಾಂ,ಮೆಲ್ಲ್ಯಾಂಕ್ ಮಾತಿಯೆಕ್ ಪಾಯ್ತಲೊ ಕೊಣ್‌ಚ್ ನಾ.ಭೊಂವ್ತಿಂಚ್ಯಾ ರಾಶ್ಟ್ರಾಂಕ್ ಆಮಿ ಖೆಂಡ್ಫಾಚೊ ವಿಶಯ್ ಜಾಲ್ಯಾಂವ್,ವ್ಹಯ್, ಸೆಜಾರ್ಚಿಂ ಜನಾಂಗಾಂ ಆಮ್ಕಾಂ ಹಾಸ್ತಾತ್, ಆಮ್ಕಾಂ ಖೆಂಡ್ತಾತ್.ಆಶೆಂ ಕೆದೊಳ್ ಪರ್ಯಾಂತ್, ಸರ್ವೆಸ್ಪರಾ,ಆಮ್ಚೆರ್ ತುಂ ರಾಗಾರ್ ರಾವ್ತಾಯ್?ಕೆದೊಳ್ ಪರ್ಯಾಂತ್ ಉಜ್ಯಾಬರಿ ತುಜೊ ಕ್ರೋಧ್ ಜಳೊನ್ ಆಸ್ತಲೊ?
ಶ್ಲೋಕ್: ತುಜ್ಯಾ ನಾಂವಾಚ್ಯೆ ಮಹಿಮೆಪಾಸತ್, ಸರ್ವೆಸ್ಪರಾ ಆಮ್ಕಾಂ ನಿವಾರ್

ಆಮ್ಚ್ಯಾ ಪುರ್ವಜಾಂಚೆ ಅಪ್ರಾಧ್ ಆಮ್ಚ್ಯಾ ಮಾತಿಯಾರ್ ಥಾಪಿನಾಕಾವೆಗಿಂ ವೆಗಿಂ ತುಜಿ ಕಣ್ವಳಾಯ್ ಆಮ್ಕಾಂ ಭೆಟೊಂಕ್ ಯೇಂವ್,ಆಮಿ ಪಳೆ ಭುಜ್ವಣೆವಿಣೆಂ ಆಸಾಂವ್.
ಶ್ಲೋಕ್: ತುಜ್ಯಾ ನಾಂವಾಚ್ಯೆ ಮಹಿಮೆಪಾಸತ್, ಸರ್ವೆಸ್ಪರಾ ಆಮ್ಕಾಂ ನಿವಾರ್

ಪಾವ್ ಆಮ್ಕಾಂ, ದೆವಾ, ಆಮ್ಚ್ಯಾ ಸೊಡ್ವಣ್ದಾರಾ, ತುಜ್ಯಾ ನಾಂವಾಚ್ಯೆ ವ್ಹಡ್ವಿಕ್ಯೆಪಾಸತ್ ದಿ ಆಮ್ಕಾಂ ಆಧಾರ್ತುಜ್ಯಾ ನಾಂವಾಕ್ ಸರಿ ಜಾವ್ನ್ ಆಮ್ಚಿಂ ಪಾತ್ಕಾಂ ಭೊಗೊಸ್, ಆನಿ ಆಮ್ಕಾಂ ನಿವಾರ್.
ಶ್ಲೋಕ್: ತುಜ್ಯಾ ನಾಂವಾಚ್ಯೆ ಮಹಿಮೆಪಾಸತ್, ಸರ್ವೆಸ್ಪರಾ ಆಮ್ಕಾಂ ನಿವಾರ್

Gospel
ಲೂಕ್ 10:13-16
ತವಳ್ ಜೆಜು ಮ್ಹಣಾಲೊ: “ಹಾಯ್ ತುಕಾ ಖೊರಾಜಿನಾ! ಹಾಯ್ ತುಕಾ ಬೆಥ್ಸಾಯ್ದಾ! ಕಿತ್ಯಾಕ್ ತುಮ್ಚೇ ಮಧೆಂ ಕೆಲ್ಲಿಂ ತಿಂ ಆಚರ್ಯಂ ತೀರ್ ಆನಿ ಸಿದೊನ್ ಶಹರಾಂನಿ ಕೆಲ್ಲಿಂ ಜಾಲ್ಯಾರ್, ಥಂಯ್ಚೊ ಲೋಕ್ ಖಂಯ್ಚ್ಯಾ ಕಾಳಾ ಗೊಣಿವಸ್ತುರ್ ನ್ಹೆಸುನ್ ಆನಿ ಆಂಗಾಕ್ ಗೊಬರ್ ಪುಸುನ್ ಆಪ್ಲಿ ಜಿಣಿ ಬದಲ್ತೊ! ದೆಕುನ್ ಝಡ್ತೆಚ್ಯಾ ದಿಸಾ ತೀರ್ ಆನಿ ಸಿದೊನ್‍ಚ್ಯಾ ಲೊಕಾಕ್ ತುಮ್ಚೇ ವರ್ನಿ ಚಡ್ ಕಾಕುಳ್ತ್ ಲಾಭ್ತಲಿ. ಆನಿ ತುಂ ಕಫಾರ್ನಾಂವ್! ತುಂ ಕಿತೆಂ ಅಂತ್ರಳಾರ್ ಚಡ್ತಲೆಂಯ್ ಮ್ಹಣ್ ಚಿಂತ್ತಾಯ್? ಪಾತಾಳಾಕ್ ತುಂ ಶೆವ್ಟತಲೆಂಯ್! ಜೊ ಕೋಣ್ ತುಮ್ಕಾಂ ಆಯ್ಕಾತಾ, ತೊ ಮ್ಹಾಕಾ ಆಯ್ಕಾತಾ; ಜೊ ಕೊಣ್ ತುಮ್ಚಿ ಬೆಪರ್ವಾ ಕರ್ತಾ, ತೊ ಮ್ಹಜಿ ಬೆಪರ್ವಾ ಕರ್ತಾ, ಜೊ ಕೋಣ್ ಮ್ಹಜಿ ಬೆಪರ್ವಾ ಕರ್ತಾ, ತೊ ಮ್ಹಾಕಾ ಧಾಡ್ಲಲ್ಯಾಚಿ ಬೆಪರ್ವಾ ಕರ್ತಾ.”

ಯಾಜಕ್: ದೆವಾಚೆಂ ಉತರ್ ಹೆಂ.ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ.