ಸಾದ್ಯಾ ಕಾಳಾಚೊ ತೆತ್ತಿಸಾವೊ ಅಯ್ತಾರ್

First Reading: Malachi 3:19-20
Responsorial Psalm: ಕೀರ್ತನ್ 98:5-6, 7-8, 9
Second Reading: 2 ಥೆಸ್ಸಾಲೋನಿಕಾ 3: 7-12
Gospel: ಲೂಕ್ 21:5-19

First Reading
Malachi 3:19-20
ಪಳೆಯಾ, ಜಳ್ತ್ಯಾ ಆಗ್ಟ್ಯಾ ಪರಿಂ ತೊ ದೀಸ್ ಯೆತಾ. ಸಗ್ಳಿಂ ಗರ್ವಿಷ್ಟ್ ಆನಿ ನಷ್ಟಿಂ ಮನ್ಶಾಂ ಸೊರ್ವ್ಯಾಸಾರ್ಕಿಂ ಜಾತಲಿಂ, ಆನಿ ಯೆಂವ್ಚೊ ಆಸಾ ತೊ ದೀಸ್ ತಾಂಚೆಂ ಮೂಳ್ ಆನಿ ತಾಳ್ ದವ್ರಿನಾಸ್ತಾಂ ತಾಂಕಾಂ ಉಜ್ಯಾನ್ ಲಾಸ್ತಲೊ, ಮ್ಹಣ್ತಾ ದಳ್ಬಾರಾಂಚೊ ಸರ್ವೆಸ್ಪರ್.ಪೂಣ್ ತುಮ್ಕಾಂ, ಮ್ಹಜ್ಯಾ ನಾಂವಾಚಿ ಭಿರಾಂತ್ ಧರ್ತಲ್ಯಾಂಕ್ ನಿತಿಚೊ ಸುರ್ಯೊ ಉದೆತಲೊ ಆನಿ ತಾಚ್ಯಾ ಕಿರ್ಣಾಂನಿ ಭಲಾಯ್ಕಿ ಆಸ್ತಲಿ

-ದೆವಾಚೆಂ ಉತರ್ ಹೆಂ-ದೆವಾಚೊ ವ್ಹಡ್ ಉಪ್ಕಾರ್

Responsorial Psalm
ಕೀರ್ತನ್ 98:5-6, 7-8, 9
ಶ್ಲೋಕ್: ನ್ಯಾಯ್-ನಿತಿನ್ ಪ್ರಿತುಮೆಚಿ ಝಡ್ತಿ ಕರುಂಕ್ ಸೊಮಿ ಯೆತೊಲೊ.

ಕಿನ್ನರಿ ಹಾತಿಂ ಘೆವ್ನ್ ಗಿತಾಂ ಗಾಯಾ,ವಿಣೆಂ ವ್ಹಾಜವ್ನ್ ಮಧುರ್ ಸಂಗೀತ್ ಕರಾ;ತುತೂರಿ-ಕೊಂಬ್ ಫುಂಕುನ್ಸರ್ವೆಸ್ಪರ್ ರಾಯಾಕ್ ಜಯ್ತ್ ಮಾಗಾ.
ಶ್ಲೋಕ್: ನ್ಯಾಯ್-ನಿತಿನ್ ಪ್ರಿತುಮೆಚಿ ಝಡ್ತಿ ಕರುಂಕ್ ಸೊಮಿ ಯೆತೊಲೊ.

ದರ್ಯೊ ಆನಿ ತಾಂತುಂ ಆಸಾ ತೆಂ ಸರ್ವ್,ಭುಮಿ ಅನಿ ತಿಚೆರ್ ಅಸಾ ತೊ ಲೋಕ್ ಆನಂದ್ ಫಾವೊಂನಂಯೋ ಉಲ್ಲಾಸಾನ್ ತಾಳಿಯೊ ಪೆಟುಂಪರ್ವತ್ ಸಂತೊಸಾನ್ ಉಡೊನ್ ನಾಚುಂ
ಶ್ಲೋಕ್: ನ್ಯಾಯ್-ನಿತಿನ್ ಪ್ರಿತುಮೆಚಿ ಝಡ್ತಿ ಕರುಂಕ್ ಸೊಮಿ ಯೆತೊಲೊ.

ಸಗ್ಳಿ ಸೃಷ್ಟಿ ಯೆಂವ್ಚೊ ಆಸಾ ತ್ಯಾ ಸರ್ವೆಸ್ಪರಾ ಮುಖಾರ್ ಉಲ್ಲಾಸುಂತೊ ಸಂಸಾರಾಚಿ ಮುನ್ಸುಬಿ ಕರುಂಕ್ ಯೆತಲೊಸತ್-ನಿತಿನ್ ಪ್ರಿಥುಮೆಚಿ ತೊ ಝಡ್ತಿ ಕರ್ತಲೊ,ನ್ಯಾಯ್-ನಿತಿನ್ ಲೊಕಾಕ್ ತೊ ನಿರ್ಣಯ್ ಕರುನ್ ದಿತಲೊ.
ಶ್ಲೋಕ್: ನ್ಯಾಯ್-ನಿತಿನ್ ಪ್ರಿತುಮೆಚಿ ಝಡ್ತಿ ಕರುಂಕ್ ಸೊಮಿ ಯೆತೊಲೊ.

Second Reading
2 ಥೆಸ್ಸಾಲೋನಿಕಾ 3: 7-12
ಭಾವಾಂ-ಭಯ್ಣಿಂನೊ, ತುಮಿ ಆಮ್ಚಿ ದೇಖ್ ಘೆವ್ನ್ ಚಲಜಯ್ ಮ್ಹಣ್ ತುಮಿಚ್ ಜಾಣಾತ್. ತುಮ್ಚೇ ಸವೆಂ ಆಸ್ತಾನಾ ಆಮಿ ಕಾಮ್ ಕರಿನಾಸ್ತಾಂ ಭೊಂವಾನಾತ್‍ಲ್ಲ್ಯಾಂವ್, ಆನಿ ಕೊಣಾಯ್ಚೆಂಯೀ ಆಮಿ ಫುಕಟಾಕ್ ಜೆವ್ಲಲೆಂ ವಾ ಖೆಲ್ಲೆಂ ನಾ. ತುಮ್ಚೇ ಮಧೆಂ ಕೊಣಾಕ್‍ಚ್ ಆಮಿ ಏಕ್ ವೊಜೆಂ ಜಾಯ್ನಯೆ ಮ್ಹಣ್ ಕಷ್ಟ್ ಆನಿ ಪುರಸಣ್ ಲೆಖಿನಾಸ್ತಾನಾ ದೀಸ್‍ರಾತ್ ಘಾಮ್ ಪೀಳ್ನ್ ಅಮಿ ಕಾಮ್ ಕೆಲಾಂ.ತುಮ್ಚೇಕರ್ನಾ ಆಮ್ಚೊ ಖರ್ಚ್ ಚಲೊಂವ್ಕ್ ಆಮ್ಕಾಂ ಹಕ್ಕ್ ನಾತ್‍ಲ್ಲೆಂ ಮ್ಹಣ್ ನ್ಹಯ್. ಬಗರ್ ತುಮಿ ಆಮ್ಚೊ ಪಾಟ್ಲಾವ್ ಕರಿಸಾರ್ಕಿ ಏಕ್ ದೇಖ್ ತುಮ್ಕಾಂ ದಿವ್ಚೇ ಖಾತಿರ್ ಆಮಿ ತಶೆಂ ಕೆಲ್ಲೆಂ.ತುಮ್ಚೇ ಮಧೆಂ ಆಸ್ತಾನಾಚ್ ಆಮಿ ತುಮ್ಕಾಂ ಅಶೆಂ ಫರ್ಮಾಯ್ಲಲೆಂ ಆಸಾ: ಕೋಣ್ ಎಕ್ಲೊ ಕಾಮ್ ಕರುಂಕ್ ಆಯ್ಕಾನಾ ಜಾಲ್ಯಾರ್ ತಾಕಾ ಉಪಾಶೀ ಪಡೊಂಕ್ ಸೊಡಾ.ಹಾಂವೆಂ ಅಶೆಂ ಸಾಂಗುಂಕ್ ಕಾರಣ್ ಆಸಾ: ತುಮ್ಚೇ ಮಧೆಂ ಥೊಡೆ ಜಣ್ ಕಾಮ್ ಕರಿನಾಸ್ತಾನಾ ಭೊಂವುನ್ ಖಾವ್ನ್ ಜಿಯೆತಾತ್ ಆನಿ ಹೆರಾಂಚೇ ಗಜಾಲಿಂತ್ ಘುಸ್ತಾತ್ ಶಿವಾಯ್ ಹೆರ್ ಕಿತೆಂಯೀ ಕರಿನಾತ್ ಮ್ಹಣ್ ಆಮಿ ಆಯ್ಕಾಲಾಂ.ದೆಕುನ್ ಮಾಣ್ಕುಲೆಂ ಕಾಮ್ ಕರ್ನ್ ತಾಂಣಿಂ ಆಪ್ಲಿ ಪೋಡ್ ಜೊಡಿಜಯ್ ಮ್ಹಣುನ್ ತಸಲ್ಯಾಂಕ್ ಆಮಿ ಸೊಮಿಯಾ ಜೆಜುಕ್ರಿಸ್ತಾಚೇ ನಾಂವಿಂ ಫರ್ಮಾವ್ನ್ ಬೂದ್ ಸಾಂಗ್ತಾಂವ್.

-ದೆವಾಚೆಂ ಉತರ್ ಹೆಂ-ದೆವಾಚೊ ವ್ಹಡ್ ಉಪ್ಕಾರ್

Gospel
ಲೂಕ್ 21:5-19
ತ್ಯಾ ದಿಸಾಂನಿ ಥೊಡೆ ಜಣ್ ದೆವಾಳಾ ವಿಶ್ಯಾಂತ್ ಉಲೊವ್ನ್, ತೆಂ ಸೊಭಿತ್ ಫಾತ್ರಾಂನಿ ಆನಿ ದಾನ್ ಆಯ್‍ಲ್ಲ್ಯಾ ವಸ್ತುಂನಿ ಸುಂರ್ಗಾರಾಯ್ಲಾಂ ಮ್ಹಣ್ತಾಲೆ.ತವಳ್ ಜೆಜುನ್ ತಾಂಕಾಂ ಸಾಂಗ್ಲೆಂ: “ತುಮಿ ದೆಖ್ತಾತ್ ತ್ಯಾ ಬಾಂಧ್ಪಾಚೊ ಫಾತರ್ ಸಯ್ತ್ ಉರಸೊ ನಾ ತಸಲೆ ದೀಸ್ ಯೆತಲೆ; ಸಕ್ಕಡ್‍ಯೀ ಕೊಸ್ಳಾವ್ನ್ ಘಾಲ್ತಲೆ.”ತವಳ್ ತಾಂಣಿಂ ತಾಚೇಲಾಗಿಂ ವಿಚಾರ್ಲೆಂ: “ಮೇಸ್ತ್ರಿ, ಹ್ಯೊ ಸಂಗ್ತಿ ಕೆದಳಾ ಘಡ್ತಲ್ಯೊ? ತ್ಯೊ ಘಡ್ಚೊ ವೇಳ್ ಲಾಗಿಂ ಪಾವ್ಲಾ ಮ್ಹಣ್ ಗುರ್ತ್ ಕಸಲೊ?”ತವಳ್ ಜೆಜು ತಾಂಕಾಂ ಸಾಂಗಿಲಾಗ್ಲೊ: “ಕೊಣೆಂಯೀ ತುಮ್ಕಾಂ ಫಸಯ್ನಾಶೆಂ ಚತ್ರಾಯ್ ಕರಾ. ಸಬಾರ್ ಜಣ್ ಮ್ಹಜೇ ನಾಂವಿಂ ಯೆತಲೆ ಆನಿ ‘ಹಾಂವ್‍ಚ್ ತೊ’ ಆನಿ ‘ನಮಿಯಾರ್‌ಲ್ಲೊ ವೇಳ್ ಲಾಗಿಂ ಪಾವ್ಲಾ’ ಮ್ಹಣ್ತಲೆ. ಪುಣ್ ತುಮಿ ತಾಂಚ್ಯಾ ಪಾಟ್ಲ್ಯಾನ್ ವಚನಾಕಾತ್.ಝುಜಾಂ ಆನಿ ಕಾಟ್ಕಾಯಾಂ ವಿಶ್ಯಾಂತ್ ಖಬರ್ ಆಯ್ಕುನ್ ಆಕಾಂತುನ್ ಪಡನಾಕಾತ್. ಹ್ಯೊ ಸಂಗ್ತಿ ಘಡಜಯ್‍ಚ್. ಪುಣ್ ಅಂತ್ ತಕ್ಷಣ್ ಯೆವ್ಚೊನಾ.”ಉಪ್ರಾಂತ್ ತೊ ಮ್ಹಣಾಲೊ: “ರಾಷ್ಟ್ರ್ ರಾಷ್ಟ್ರಾಚೆರ್ ಆನಿ ರಾಜ್ಯ್ ರಾಜ್ಯಾಚೆರ್ ಝುಜಾಕ್ ದೆಂವ್ತಲೆಂ.ಥಂಯ್ ಹಾಂಗಾ ಭಿರಾಂಕುಳ್ ಭುಂಯ್ಕಾಪ್ಣ್ಯೊ ಜಾತಲ್ಯೊ. ದುಕಳ್ ಆನಿ ಮಾರಿಚಿ ಪಿಡಾ ಪಡ್ತಲಿ ಆನಿ ಆಕಾಸರ್ ಭಿರಾಂಕುಳ್ ದೃಶ್ಯಾಂ ಆನಿ ವಿಚಿತ್ರ್ ಖುಣಾ ದಿಷ್ಟಿ ಪಡ್ತಲ್ಯೊ.ಪುಣ್ ಹ್ಯೊ ಸರ್ವ್ ಸಂಗ್ತಿ ಘಡ್ಚೇ ಪಯ್ಲೆಂ ತುಮ್ಕಾಂ ಧರ್ತಲೆ ಆನಿ ದಗ್ಧಿತಲೆ; ತುಮ್ಚಿ ಝಡ್ತಿ ಕರ್ಚೇ ಖಾತಿರ್ ತುಮ್ಕಾಂ ಸಿನಾಗೊಗಾಚ್ಯಾ ಅಧಿಕಾರ್‍ಯಾಂ ಹುಜಿರ್ ಹಾಡ್ತಲೆ ಆನಿ ಬಂಧಿಖಾನಾಂನಿ ಘಾಲ್ತಲೆ; ತುಮಿ ಮ್ಹಜೆ ಪಾಟ್ಲಾವ್ದಾರ್ ದೆಕುನ್, ತುಮ್ಕಾಂ ರಾಯಾಂ ಆನಿ ಅಧಿಪತಿಂ ಹುಜಿರ್ ವೊಡ್ನ್ ವ್ಹರ್ತಲೆ.ಸುವಾರ್ತೆಕ್ ಸಾಕ್ಸ್ ದಿಂವ್ಕ್ ತುಮ್ಕಾಂ ಹೊ ಏಕ್ ಸಂದರ್ಭ್ ಜಾತಲೊ.ತವಳ್ ಕಿತೆಂ ಜಾಪ್ ದಿವ್ಚಿ ಹ್ಯಾ ವಿಶ್ಯಾಂತ್ ಆತಾಂಚ್ ಆಲೋಚನ್ ಕರ್ಚೆನಾಂವ್ ಮ್ಹಣ್ ತುಮ್ಚೇ ಮತಿಂತ್ ನಿರ್ಧಾರ್ ಕರಾ.ಹಾಂವ್‍ಚ್ ತುಮ್ಕಾಂ ಅಸಲಿ ವಾಚಾಸಕ್ತ್ ಆನಿ ಜಾಣ್ವಾಯ್ ದಿತಲೊಂ ಕೀ, ಸರ್ವ್ ತುಮ್ಚೆ ವಿರೋಧಿ, ತುಮ್ಕಾಂ ಆಡಾಂವ್ಕ್ ವಾ ತುಮ್ಚೇರ್ ಉಪ್ರಾಟೆಂ ಸಾಂಗುಂಕ್ ಸಕ್ಚೆನಾತ್.ತುಮ್ಚಿಂಚ್ ಆವಯ್‍ಬಾಪುಯ್, ಭಾವ್‍ಭಯ್ಣಿ ಆನಿ ಸಯ್ರಿಂಧಯ್ರಿಂ ತುಮ್ಕಾಂ ಪರಾಧೀನ್ ಕರ್ತಲಿಂ ಆನಿ ತುಮ್ಚೇ ಮಧ್ಲ್ಯಾ ಥೊಡ್ಯಾಂಕ್ ಜಿವೆಶಿಂ ಮಾರಯ್ತಲಿಂ.ತುಮಿ ಮ್ಹಜೆ ಪಾಟ್ಲಾವ್ದಾರ್ ದೆಕುನ್ ಹರ್ಯೆಕ್ಲೊ ತುಮ್ಕಾಂ ದ್ವೇಶಿತಲೊ;ತರಿಪುಣ್ ತುಮ್ಚ್ಯಾ ಮಾತ್ಯಾಚೊ ಏಕ್‍ಚ್ ಏಕ್ ಕೇಸ್ ಲೆಗುನ್ ನಾಸ್ ಜಾವ್ಚೊನಾ.ತುಮ್ಚೇ ದೀಗ್ ಸೊಸ್ಣಿಕಾಯೇ ವರ್ವಿಂ ತುಮ್ಚೆ ಜೀವ್ ತುಮಿ ರಾಕ್ತಲ್ಯಾತ್.”

ಯಾಜಕ್: ದೆವಾಚೆಂ ಉತರ್ ಹೆಂ.ಲೋಕ್: ವಾಖಣ್ಣಿ ತುಕಾ, ಕ್ರಿಸ್ತಾ.